SI MUTYA Pilipinas Asia Pacific International 2019 Klyza Ferrando Castro nag-courtesy call kang City of Mati Mayor Michelle Nakpil Rabat, Agosto 27, 2019.
Si Castro mapasigarbuhon nga siya taga-Mati, diin ang inahan niyang usa ka Ferrando gikan sa Caraga, Davao Oriental ug amahan nga hukom gikan sa Mati.
Sa iyang pagbisita, si Castro misaad nga bitbiton ang ngalan sa siyudad sa Mati sa umaabot niyang mga engagements.
Si Mayor Michelle misaad sab og pinansiyal nga suporta sa Team Castro diin sa kasamtangan nangandam alang Miss Asia Pacific International sa Manila, Oktubre.
Si Mayor Michelle nag-advised sab kang Castro nga be natural lang sa kaugalingon.
Ang pamilya ni Mayor Michelle, sa bahin sa Nakpil, nakamugna og duha ka Miss Philippines beauty titlist sa nanglabay'ng katuigan.
Ang inahan ni Mayor Michelle nga si Edith Nakpil, ang Miss Philippines 1965, samtang ang iyang apuhan, Anita Noble, mao ang Miss Philippines 1929.
Sa iyang mensahe, si Castro nanawagan og suporta sa tanang taga-Mati sa bag-ong journey nga iyang labangon. (PR)