SUPERBALITA DAVAO

Davao City muay thai team mihakot og medalya



PUERTO PRINCESA CITY, Palawan -- Tulo ka first-timers gikan Davao City migilak sa Batang Pinoy 2019 National Championships muay thai competition nga gihimo sa NCCC Mall didto Martes sa hapon.

Mga Dabawenyos Johannah Barbero ug magsuong Ivan ug Ivy Udarbe milabni og bulawang medalya sa tagsa-tagsa nila ka kategoriya, dugang pa niini ang nakolekta sa siyudad nga duha ka silver ug duha ka bronse.

Ang 12-anyos nga si Barbero, sa Barangay Ula sa Tugbok District, mipabilib sa mga milantaw human giyabo si Fionna Valerie Pagorogon gikan sa Munisipalidad sa Castillejos sa kusganong sipa sa first round.

Si Barbero, Grade 7 student sa Mintal Comprehensive National High School (MCNHS), miangkon og bulawan sa girls 12-13 36 kilograms event.

"Nakulbaan ko gamay pero huna-huna nako makahatag og himaya sa Ginoo," niya sa pakighinabi sa SunStar Davao.

Niya, miresulta ra ang tanan niyang kahagu, gikan sa training, limitaado nga pagkaon.

Ang amahan niyang si Arniel, usa ka pastor, maoy gabansay niya matag adlaw, apan naga-training sab siya uban ang kaubanan sa gym matag Sabado isip preparasyon sa torneyo.

Si Ivan, sa iyang bahin, mipildi ni Mike Justine Pacanal sa Baguio City pinaagi sa puntos sa boys 12-13 36 kilograms samtang ang manghud niyang si Ivy, 11, mipildi ni Carina Andrea Ocampo sa Municipality of Castillejos pinaagi sa puntos sa girls 11-12 30kgs titular showdown.

Ang ilang ginikanan nga sila Arnel ug Irene mga cacao farmers sa Bago Gallera.

Si Ivan nga eighth grader sa MCNHS, nagdugang nga naghinam-hinam na siyang motigi sa Batang Pinoy nationals samtang si Ivy, sixth grader sa Mintal Elementary School, gikalimtan ang kakulba pinaagi sa pagpokus ug pagsalig sa Ginoo.

Si Davao coach Ronald Allan Vergara, sa laing pakighinabi malipayon sa kalampusan sa mga atleta.

"Maganda ang performance ng athletes with three golds at lahat uuwing may medals," niya pa.

Si Aira Marie Tan ang laing coach sa tim.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph