NAGPABILIN nga malinawon ang tibuok Misamis Oriental gani nakita nga labihan nga pa-ubos sa kriminalidad.
Kini ang gibutyag ni Police Colonel Robert Roy Bahian, ang Provincial Director sa Misamis Oriental Provincial Police Office (Moppo).
Gibutyag niini atol sa bag-o lang nahitabo nga press conference nga niubos og maayo ang kriminalidad sa lalawigan ug halos katunga kon itandi sa niaging katuigan tungod sa paningkamot sa kapolisan sa pakigbatok sa ginadili nga druga kon asa ubay ubay ang nadakpan ug napasakaan og kaso.
Nakaandam sa kanunay ang kapolisan batok sa mga walhong grupo nga posibleng mokasa og mga pagpangatake. Lakip sa mga lugar nga gibantayan ang este nga bahin.
Dugang ni Bahian nga kining tanan tungod sa tinabanga sa local government unit, kagamhanan sa probinsya nga sa kanunay nakasuporta.
Ang reckless imprudence resulting to homicide o mga road crashes ang sagad nag una nga insidente nga gakatala.
Dugang ni Bahian nga labina nga ang palibot sa lalawigan anaa gayud sa national road o coastal roads.