See-Kee-Hor

Hulagway kuha ni Jeepy Compio.
Hulagway kuha ni Jeepy Compio.

DIHANG nadungog pa lang ang pulong nga Siquijor "See-Kee-Hor," hadlok nang paminawon, kay kung moingon ka niini, mosapaw sa hunahuna nga naa ning lugar ang barang, daut, tambalan, wakwak, manananggal, witchcraft (abat nga nagsakay og silhig) ug bisan ang giingong lumay.

Pero nasayop ko sa akong pagtuo nga hadlok ang maong lugar gumikan sadya kaayo ug di malimtan ang among biyahe sa akong suod nga higalang si Allyson Mier.

Gikan Cebu City, misakay kami og Ocean Jet padung sa Tagbilaran City sa Bohol, dayon misakay na sab kami og Lite Ferries nga maoy midala namo padung sa Larena Port sa Siquijor.

Una niini nanlimbawot akong balahibo kay alas 12:05 sa tungang gabii midunggo ang barko sa Larena Port.

Pagtaak pa lang namo sa pantalan giabi-abi kami sa mga drayber sa motor human sa among pagpasabot nga mga turista kami nga gikan sa Davao City.

Gihatud kami sa usa ka log-house nga hadlok sab kaayong tulgan. Wa gyod kami katulog uban sa kahadlok, apan pagkabuntag, naibanan among kabalaka ug kahadlok dihang giabi-abi na sab kami sa mga tawo sa dapit.

Giingnan kami kung sa ang ilang mga tourist spots sa ilang dapit, hinungdan nga gipahimuslan dayon namo kini.

Una namong gipangita kung asa mapalit ang voodoo doll (monyeka nga nagsakay og silhig) nga daw maoy gamit sa mamamarang.

Giadto dayon namo ang mga beaches sama sa Kagusuan,Beach, sa Maria, nga sarang makapanghupaw ka sa kanindot niini. Diha say century old na nga balite tree nga dunay mga gagmay nga isda nga mokitkit sa imong tiil, ingong Spa (nakapahuway ang kakapoy sa among tiil og binaktas sa Cebu City).

Kung moingon og Siquijor, dili gyud puwede og dili madala pauli sa turista ang “lumay” (love potion) nga epektibo kini kung anaa ang tiunay nga pagtuo ug pagsalig, apan daghan ang miingon nga di kini maayo, gumikan ang sumbalik niini, likayan ka gyud sa tawo nga imong gilumay, kung mahupas na ang gahum.

Sumala sa katiguwangan sa dapit, bulan sa Nobyembre ang maayong ibalik sa dapit aron sa giingong “renew” kun pagbag-o na sab sa gahum nga gikan sa lugar.

Apan kining tanan di tinuod suma sa pipila, pero kung anaa ang tiunay nga pagtuo, mamahimong kining matinuod.

Mahika (majestic) gayod ang lugar labi na kung mipuyo sa kasingkasing ug hunahuna ang gahum nga bunga sa pagtuo ug pagsalig.

Ang Siquijor maoy ikalima nga provincial income class island province sa nasud nga anaa sa Central Visayas.

Hangtud sa among sunod pagbalik ni Allyson sa Nobyembre, suginlan ko pa kamo sa among makapanlimbawot-balahibo nga biyahe ning lugar sa giingong mga mamamarang.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph