TUNGOD sa way klaro nga manifesto sa mga pasahero sa M/V Lite Ferry 16, dunay nahimong kalapasan ug hayan makamulta ang shipping company nga nanag-iya sa M/V Lite Ferry.
Nasuta usab nga way missing nga mga pasahero, apan dunay wa maapil sa pagkalista human masuta ang tanang mga ngan base sa manifesto ug sa mga naluwas gikan sa nagdilaab nga barko sa kadagatan sa Dapitan City, Zamboanga del Norte niadtong Martes, Agusto 27.
Kalapasan sa Coast Guard Memorandum Circular 05-2012 o kining Master’s Declaration of Safety Departure ang wa paglista sa manifesto sa tanang mga pasahero sa biyahe.
“The mere fact na ang first initial na ibinigay lang kasi nila is yung 136 sa MDSD nila, violating our Memorandum Circular 05-2012 yun pong ating Master’s Declaration of Safety Departure. Yun pong pagpasa ng actual na MDSD sa Coast Guard is fraudulent po yung entry.So pwede po natin silang insyuhan dun ng Enforcement Inspection Apprehension Report and we will also invite them for adjudication at may kaukolang penalties po yun,” matod sa tigpamaba sa Coast Guard District Central Visayas, Lieutenant Junior Grade Michael John Encina.
Base sa memorandum, kon mapalgang sad-an ang Danilo Lines Inc., moabot sa P130,000 ang ipamulta niini.
Sa inisyal nga pamahayag sa Lite Holdings, Inc., mother company, anaa lang sa 180 ka mga pasahero ang anaa sa ilang manifesto samtang 38 ang crew sa barko.
Apan niabot ang na-rescue og 245, 201 niini ang pasahero. Siyam ang wa malista.
Kon apilon ang tulo ka patay, moabot sa 248 ang sakay sa barko.
“We want to clear na hindi po ang Coast Guard Substation Samboan nagpapa-clear ng overloaded na barko. Actually may mga report sa amin na sinabi po ng mga pasahero na medyo natagalan pa ngang mag-depart kasi kini-clear ng maayos ng Coast Guard,” dugang ni Encina.
Gipasabot ni Encina nga aduna’y variance kun kalainan nga siyam tungod kay anaa’y non-paying passengers o kining drivers o helpers nga nagdala og rolling cargoes nga wa malista sa manifesto.
Aron way spill
Sa pagkakaron, anaa na sa 80 meters duol sa port of Plaridel ang barko.
“The intention is to immediately extract the fuel, more or less 19,000 liters and to deploy oil spill boom as mitigating measure to avoid oil spill,” si Encina nagkanayon.
Nibutyag si Lucio Lim Jr., presidente sa Lite Holdings, Inc., nga all accounted na ang tanang mga pasahero ug way missing. Wa usa’y pamilya nga nangita sa ilang miyembro sa pamilya nga wala maluwas. (HBL & AYB)