TULO ka mga tawo nga nakombikto sa kasong Chiong rape-slay case di pa makagawas samtang ang kagamhanan nisuspenso sa pagpatuman sa good conduct time allowance (GCTA) law sud sa 10 ka adlaw samtang kini gi-review.
Gawas pa, ang katinuod sa giingong release orders alang kanila ni Rowen Adlawan, Aberto Caño ug Ariel Balansag gisusi pa ni Bureau of Corrections (BuCor) Director Nicanor Faeldon, matod ni Justice Secretary Menardo Guevarra sa usa ka text message sa Huwebes, Agusto 29.
Nanghimakak si Faeldon sa mga taho nga siya nipirma sa release orders nila ni Adlawan, Caño ug Balansag base sa GCTA ubos sa Republic Act 10592.
Si Guevarra, sa iyang text message, niingon nga siya nimando og review sa GCTA implementing rules and regulations (IRR). (Sun Star Philippines)