SAYO nga nagkugi pagpanday og balaodnon silbing unang labok sa kongreso nga mahimong tatak sa panumdoman sa katawhan.
Nagtagad sa kahago sa kapin sa 800,000 ka mga magtutudlo nga unang giusbawan ang ilang sweldo ni Pres. Rodrigo Duterte agig pagsaludo sa bayanihong binuhatan. Balaodnon ni Sen. Sonny Angara nga usbaw sa suholan sa mga magtutudlo gikan sa 20,754 pesos ngadto sa 36,409 pesos kada bulan anam-anam nga ipatuman sulod sa lima ka tuig.
MagnSa Carta For Barangays aron ang mga opisyal makadawat sa saktong suholan ug benepisyo. Sen. Kiko Pangilinan sa usbaw sa mga magtutudlo ngadto sa 30,000 pesos kada bulan sulod sa tulo ka hugna sa 2021-2022 ingon man medical allowance, magna carta bonus ug dugang allowance gikan sa local government unit. Sen. Nancy Binay sa usbaw ngadto sa p28,000 pesos kada bulan ug 16,000 sa non-teaching personnel nga dili kuhaan og income tax.
Si Sen. Bong Revilla sa allowance para teaching supplies, himoong 55 ang retirement age, 56 ang edad sa senior citizens ug katuloon og hatag ang p100,000 basi sa Centenarians Act nga madawat ang P25,000 sa edad nga 80; P25,000 sa edad nga 90 ug 50,000 sa edad nga 100. Senate Pres. Tito Sotto nga wala nay buhis ang sweldo sa mga magtutudlo kon dili pa molapas sa P26,000 ang bulan ingon man ang holiday pay, hazard pay ug night differential pay.
Si Sen. Grace Poe sa Road Safety and Drivers Education nunot sa lakang sa DeptEd ug sektor sa transportasyon nga ilakip sa school curriculum o itudlo sa Araling Panlipunan o Values Education gikan sa Kindergarten hangtod sa Grade 12. Sen. Riza Hontiveros sa balaodnon Philhealth Insurance False Claims aron kapanalipdan ang mga sakop sa sayop nga kobrahonon ug sobra nga pagbayad.
Deputy Speaker Evelina Escudero sa House Bill (HB) 3611 nga no homework policy ug limitahan ang mga aktibidades sa eskuylahan aron dili mabug-atan ang mga tinun-an. Rep. Raul del Mar sa HB 11 pagtukod og Mega Cebu Development Authority. HB 12 pagpasar sa Freedom of Information, HB 13 Motorcycle for Hire o habalhabal pagsapaw sa Republic Act (RA) 4136 ug HB 14 pagtugot sa LRT, MRT ug ubang transport system sa dakbayan ug Metro Cebu.
Si Rep. PJ Garcia sa HB 2242 pagpapas sa height requirement sa aplikante sa PNP, BFP ug BJMP pagwagtang sa RA 6975 nga nagsitar og 5’2” sa babaye ug 5’4” sa lalaki. Rep. Paz Radaza sa HB 2223 nga ang isdang pugapo dili nganlan og Lapu-lapu nga unang nasudnong bayani. Nahinumdom ko sa balaudnon ni anhing Bokal Roldan Mangubat nga iyang pasul-oban og sinina ang estatuwa ni Lapu-lapu.