SUPERBALITA CEBU

3 sa Chiong 7 nia sa Cebu?

TULO sa mga Chiong 7 convicts nanguli na sa Sugbo?

Kining pangutana nitumaw human giingong gibuhian sila base sa release orders nga giingong gipirmahan ni Bureau of Corrections (BuCor) chief Nicanor Faeldon ang ilang release orders ning buwana.

Gikonpirmar sa CNN Philippines nga sila si Josman Aznar, Alberto Caño ug Ariel Balansag gipagawas na sa BuCor human sa National Bilibid Prisons sa Muntinlupa City kay nakabenepisyo sa kontrobersiyal nga Good Conduct Time Allowance (GCTA).

Kini human nakakuha ang CNN Philippines og kopya sa release order nila ni Aznar, Caño ug Balansag nga puros gipirmahan ni Faeldon niadtong Agusto 16, 2019.

Sila si Aznar, Caño ug Balansag puros nakonbikto niadtong 1999 sa kasong pagpatay ug pag-kidnap sa magsuong Jacqueline ug Marijoy Chiong niadtong 1997. Ang lawas ni Jacqueline wa makaplagi.

Nakonbikto sab sila si Francisco “Paco” Larrañaga, Rowen Adlawan, ug magsuong Uy nga James Andrew ug James Anthony. Matod pa sa mga dokumento nga nakuha sa CNN Philippines, ang tulo ka kombiktado nakaserbisyo na sa ilang 40 ka tuig human sila ni-apply sa Republic Act 10592, o ang amended Revised Penal Code.

Gipamatuod sad sa dokumento nga sila si Aznar, Caño ug Balansag kinahanglang buhian human nakita nga wa nay legal nga hinungdan aron sila prisuhon. Sa wa pa nigawas ang taho, si Senador Panfilo “Ping” Lacson nibutyag sa Radio DZBB nga naapil ang tulo ka konbiktado sa mga gibuhian sa BuCor tungod sa GCTA.

Atol sa interbyu, gibutyag ni Lacson nga di si Faeldon, kon di lain nga opisyal sa BuCor ang nipirma sa release order alang sa tulo ka konbiktado sa Chiong murder case.

Hagbay nang gihimakak ni Faeldon ang mga pasangil nga nipirma siya sa release order para sa mga konbiktado sa Chiong murder case.

Apan alang kang Thelma Chiong, inahan nila ni Jacqueline ug Marijoy, murag nahugno ang iyang kalibutan sa pagkadungog sa balita.

“Murag gipatay balik ang akong mga anak. Like I’m reliving the nightmare that my family felt 22 years ago,” sigon ni Chiong sa iyang pakighinabi sa Superbalita Cebu kagahapon, Agusto 30.

Matod pa ni Chiong, dili unta makagawas ang tulo base sa usa ka probisyon sa Republic Act 9346 nga giwagtang ang death penalty sa nasod niadtong 2006.

Base sa balaod, katong mga death row convicts nga naluwas sa bitay tungod sa RA 9346 di makapahimulos og parole.

Matod pa ni Chiong, presidential pardon o pagtugot gikan sa presidente sa nasod maoy makapalaya sa Chiong 7.

Giakusar sad ni Chiong si Faeldon nga giingon nangwarta. “Four presidents have come and gone, but the Chiong 7 never go a presidential pardon. But here comes Faeldon who easily released them without considering the legal ramifactions of his act. Naunsa man ka, Faeldon? Nabayran ka?,” dugang ni Chiong.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph