SUPERBALITA CEBU

Pulis sa Minglanilla gipusil sud sa patrol car, patay

CAPTION: CEBU. Ang biktima sa pagpamusil mao si Police Staff Sergeant Alfredo Pagaling, 54, taga Barangay Vito, lungsod sa Minglanilla, team leader sa Mobile Patrol Section sa Minglanilla Police Station. (Hulagway gikan sa live video ni Alan Tangcawan)

PATAY ang usa ka pulis sa lungsod sa Minglanilla human pusila sa mga tawo nga sakay sa usa ka van samtang siya ug iyang kauban naglingkod sa ilang patrol car sa N. Bacalso Avenue sa Barangay Linao-Lipata alas 2:50 sa Sabado sa kaadlawon, Agusto 31, 2019. Ang biktima mao si Police Staff Sergeant Alfredo Pagaling, 54, taga Barangay Vito, lungsod sa Minglanilla, team leader sa Mobile Patrol Section sa Minglanilla Police Station. Matod ni Police Colonel Roderick Mariano ang hepe sa Cebu Provincial Police Office nga nangunay sa pag-supervise sa imbestigasyon nga nagpahigayon sa ilang pagpatrolya. Uban ni Pagaling atol sa pagpusil si Police Corporal Allan Villasurda. Silang duha diha sa sulod sa patrol car nga Toyota Hilux nga ni-park atubangan sa convenience store. Matod ni Villasurda nga human siya makadungog og buto sa pusil, nigawas siya sa patrol car, apan wa na siyay nakita nga mga tawo. Sa iyang pagbalik og sulod, didto na niya madiskobrehi nga samdan na si Pagaling sa ulo. Base sa kuha sa CCTV, ang mga killer nagsakay sa usa ka puti nga van ug motorsiklo. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph