SUPERBALITA CEBU

Daclan: The Panti Sisters alegre nga pelikula

MILADLAD na ba si Paolo Ballesteros? Dugay na tang daghang nadunggan nga bading ang aktor.

Mas misamot kini sa dihang nag-make up- transformation kini sa mga sikat nga celebrity sa ato ug sa Hollywood.

Samot pa dihang nag-bida si Paolo sa “Die Beautiful” nga pelikula nga bayot sad siya.

Nasundan pa og pipila ka movie nga susama ang iyang role. Karon may bag-o na usab kining pelikula. Ang “The Panti Sisters” diin makauban niya dinhi silang Christian Bables ug Martin del Rosario.

Dinhi nilang tulo nagtuyok ang sugilanon sa dihang mitugon ang ilang amahan nga si John Arcilla nga gusto kining makabaton og apo.

Apan unsaon kaha nga pulos bayot ang iyang mga anak? Ang gibuhat niya mao ang kon kinsay makahatag niyag apo iyang tagaan og milyones nga kwarta.

Tungod sa ilang nadungog, kalit silang nagpaka-macho para makauyab ug makabaton og anak alang sa makuha nilang milyones.

Dinhi magsugod ang mga alegre nga eksena sa adventure nila Paolo, Martin ug Christian sa ilang pagpakaaron-ingnong mga macho guapito.

Ang tulo parehong na-intriga nga mga bading. Apan si Paolo wala moangkon ug wala sab niya gihimakak kon unsa gyud siya. Ay’g saba!

Si JC Santos kay parehong paborito karon sa mga producer sa telebisyon ug pelikula.

Usa siguro sa gibiliban nila kang JC mao ang pagka-maayong mo-arti. Sa “Maala-la Mo Kaya” kagabii napakita sab sa aktor ang iyang abilidad.

Sa umaabot niyang pelikula sunod buwan nga “Open” makigtigi ang aktor sa duha niya ka mga leading lady nga silang Arci Muñoz ug Ina Raymundo.

Kon kinsay makaangkon niya sa katapusan? Mao nay inyong atangan, ay’g saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph