MAGTIAYON nga doktor ug nurse patay sa sunog sa Calbayog City, Samar.
Ang sunog nahitabo alas 4:20 sa kadlawon, Agusto 31, partikular sa doctor’s residential building nga iya sa Adventist Hospital sa Barangay P4, San Policarpio, Calbayog City, Samar.
Ang mga nakalas mao sila si Pacifico Maypa, 60, medical doctor, taga Iloilo City ug Delie Mae Maypa, 57, nurse, taga Ozamiz City.
Gideklara nga fire out ang sunog alas 4:40 sa kadlawon diin nagbilin og danyos nga P455,000.
Padayun pa nga gisusi sa Bureau of Fire Protection ang hinungdan sa sunog.
Gipaubos naman sa post mortem examination ang patay’ng lawas sa duha. (JKDP/Superbalita Cebu)