Heartline: Scared to love

DEAR Heartline,

Tawaga lang ko nga Taniela, 19 years old, taga Ticolon, Malita, Davao Occidental. Naa koy problema, naa koy anak, usa ko ka single mom. Unsaon nako ni nga naay lalaki nga makagusto nako. Mahadlok man ko basin iya ra kong binuangan.

Naka-agi nako sa kalisud, dati nabuntis ko gibiyaan ko sa lalaki nga nakapaburos nako.

Dili nako makaya kung unsaon ni.

Taniela

***

Hi Taniela,

Masabtan nato why ana ka-intense ang imong ka-worry hilabi na sa pagpili og sunod nga mahalon. Tawon, di gyud lalim nga biyaan, binuangan ka sa tawong gimahal og maayo.

Pero, timan-i nga di man tanang lalaki sama sa nakapaburos nimo nga gibiyaan lang ka.

Mao bitaw nga sa sunod nimong pakigrelasyon, pamili og lalaki nga tarong, dawat sa kung unsa ka, imong kaagi, lakip na imong kagahapon.

Pangita og lalaki nga responsable, nga mahalon ug dawaton ang imong anak, sama sa pagmahal niya nimo.

Heartline