SUPERBALITA DAVAO

Atleta sa Davao sa tennis, futsal, badminton miharus og plata

GIRLS 13U FUTSAL. Miyembro sa Davao City girls 13U futsal team mipakita sa ilang silver medals human mapildi sa championship kontra Pontevedra, Negros Occidental sa Western Philippines University sa Puerto Princesa City, Palawan, kagahapon. (Skippy Lumawag/SDD-CMO)

PUERTO PRINCESA CITY, Palawan -- Ang Davao City wa makahunat sa pagpamakyaw og gold medals sa lima ka championship matches nga gihimo sa managlahing venue sa paghuman sa Batang Pinoy 2019 National Championships, niadtong Sabado.

Ang way pildi nga girls 13 futsal team, nakatilaw ra gyud og kapildihan sa double elimination format event, kontra Pontevedra sa Negros Occidental, 1-3, sa Western Philippines University covered court.

Ang Davao, suma ni coach Rachelle "Ching" delos Reyes, misugod nga naigo ang unang goal, apan ang Pontevedra, nga napildi sa Davao (1-2) sa unang round sa elimination, nanghunat og gilabni ang titulo.

Ang Davao boys 15 squad napild sab human miyukbo sa Cebu, 0-3, sa ilang titular showdown.

Ang boys 13 team miangkon sa bronse human gipukan ang Davao del Norte sa

battle for third.

Samtang sa ESJ Badminton court, ang girls badminton 15-under doubles tandem nila Khea Montanez ug Maris Franceska Almazan sa Davao City nakasinati sa pipila ka hugna sa kausaban ug deadlocks apan ang Malolos, Bulacan pair Mikaela Dorega ug Kimberly Lao giunhan sila, 21-17, aron makuha ang first set.

Apan may mga sayop nga miresulta sa kapildihan sa mga Dabawenyas, 21-14.

Si Almazan, 14, Grade 9 student sa Davao Chong Hua High School, sa pakighinabi sa SunStar Davao human sa duwa nagsulti, "Mahirap mahanapan ng butas pero nakadikit parin kami sa first set."

Si Davao City National High School (DCNHS) Grade 9 student Montanez, 15, midugang, "Sa second set nahirapan na kami kasi nakita na nila ang weakness namin at wala kaming palo. Pa down lahat ng bola nila."

Ang duha pulos nagkauyon nga ang pagdaug nila og silver sa ilang una ug uwahing Batang Pinoy national ang ispesyal kaayo.

"Masarap ang feeling," ni Montanez.

Samtang ang Dabawenya netter Theresa Claire Nacito miangkon sa 0-6, 1-6, kontra Jenaila Rose Prulla sa Del Monte sa Bulacan sa girls tennis single finals sa Palawan National School.

Si John Roddick Litang napildi sab sa boys tennis single championship match kamot ni Exequiel Mari Jucutan sa Pangasinan, 4-6, 1-6, sa Asia B

Sports Club.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph