KAPALONG, Davao del Norte -- Kini ang labing-una nga malampusong Corporate Social Responsibility (CSR) project sa Beato Gioco Lottery Inc. (BGLI) nga gikalipay sa kalumaran sa kabukiran sa Kapalong.
Agosto 28, 2019 natigayong ang turnover ceremony ngadto sa duha ka mga classrooms nga gihatag sa BGLI ngadto sa Ata-Manobo IPs community sa Sitio Kamunuan Barangay Gupitan.
Mismong ang kadagkoan sa BGLI nga maoy usa ka Authorized Agent Corporation (AAC) sa PCSO-Small Town Lottery (STL) ang mi-turnover ngadto kang Department of Education (DepEd) Davao del Norte Division Superintendent Dr. Rommel Jandayan, sa duha ka mga classroom building nga magamit sa Lumad community didto sa Kamunuan Elementary School.
Magpadayon ang BGLI sa ilang mga CSR nga aktibidad aron makatabang sa nation-building nga mapabilin ang good corporate citizen labi na sa nasampit nga dapit.
Usa sa mga misyon sa BGLI mao ang pagtabang sa programa sa edukasyon labi na sa mga lagyo ug hilit nga dapit aron mapabilin ang kalinaw.
"Together with the PCSO, BGLI hopes to participate in bringing inclusive progress to our IP communities,” pahayag sa BGLI.