GIKUMPIRMA sa mga kanhi sakop sa New People's Army (NPA) nga dunay nahitabong mga pagpang- recruit sa mga estudyante sulod sa mga tunghaan ilabina sa mga Unibersidad ug Kolehiyo dinhi sa Cagayan de Oro.
Duha ka mga kanhi sakop sa NPA nga si alyas Lalaine, 33, ug alyas "Dina," 35, ang nipatim-aw aron isaysay ang ilang mga kasinatian sa kabukiran ug sa dihang sakop pa sa rebeldeng grupo atol sa Talakayan sa Philippine Information Agency (PIA-10).
Giingong tumong lamang nila nga makatabang nga wala nay mabiktima pa nga mga batan-on ug susama nila nga mga estudyante kaniadto nga nasaag sa sayop nga dalan.
Gibutyag ni alyas Lalaine nga residente sa siyudad sa Cagayan de Oro nga kaniadto dihang estudyante pa sa kolehiyo ilabi na sa Cagayan de Oro College (COC) dunay misulod sa ilang tunghaan og maghatag og orientation ilabi na sa usa ka iladong partylist.
Giingong tuig 2004 usa kini ka council sa usa ka departmento sa tunghaan ug giingong gisilsil sa ilang alimpatakan ang katungod sa mga estudyante ug nahimo nga team leader sa partylist nga giingong front line sa NPA. Gidugang pa nga didto nagsugod ang mga kalihokan sama sa mga rally sama sa No tuition fee increase, candle lightning ug uban pa.
Gidugang pa nga gipakita kanila ang kahimtang ug sistema sa nasud ug gipakita nga dili paigo ang rally lang apan angayan ang rebolusiyon hangtod nga nanumpa sa Kabataang Makabayan nga patagong organisasyon samtang naggunit og bala.
Giingong pito kini kaniadto kauban sa nagkadaiyang tunghaan sa youth sector sa siyudad,gikan sa laing tunghaan sa Iligan City ug usa ka magtutudlo ang misaka sa kabukiran ug gihatagan og armas.
Sulod sa tulo ka bulan gipadesiyon kung magpabilin sa kabukiran.
"Ang trabaho ko mag organisa ng mga youth sector at yung kasama ko mag organisa ng taong simbahan, mga professional po," matud ni Lalaine.
Gibutyag usab niini kung giunsa nila pagsulod sa mga tunghaan aron nga makapang recruit.
"2005 until 2007 binalik po ako sa Cagayan de Oro para mag-organisa sa mga paaralan," dugang pa.
Giingong gipa-enrol kini sa COC apan wala ning eskwela tungod kay tumong lamang niini nga dali makasulod sa maong tunghaan ug maka-organisa.
"Ang gagawin po namin para makapasok po kami ay maghiram po kami sa mga estudyante na naorganisa po namin ng uniform ng Xavier at tsaka magprint po kami ng ID," dugang niini.
Pero mas daghan ang ilang name organisa panahon sa P.E iskedyul sa mga estudyante ug gidala niini ang organisasyon nga Student Christian Movement of the Philippines (SCMP) diin kunohay alang sa Ginoo apan ang kamatuoran dunay koneksiyon sa aktibista.
Gikompirma usab niini nga subay sa iyang nasayran ilabi na sa pagbiya padayon pa ang pagpang recruit gumikan kay parte kini sa ilang ideolohiya.
"Sa tinud-anay padayon pa gyud gihapon ang pag-organisa sa mga lain lain nga eskwelahan labaw na diri sa atoang Rehiyon, tungod kay kabahin na siya sa plano sa ginaingon namo nga IPO Ideolohiya, Pulitiko ug Organisasiyon nga kinahanglan mang recruit," matud ni Lalaine.