SUPERBALITA CAGAYAN DE ORO

Kasundalohan nakurat sa grabeng NPA recruitment

GIBUTYAG sa kasundalohan nga nakurat kini sa nasayran gikan sa nitahan nga kanhi New People's Army (NPA) sa mga pamaagi ug sa pagpang recruit sa mga tunghaan sa siyudad sa Cagayan de Oro.

Nasayran nga gibutyag nila Alyas Lalaine ug Dina ang pamaagi sa recruitment sa mga tunghaan ug uban pang kalihokan.

Gibutyag ni Brigadier General Edgardo De Leon, commander sa 403rd Brigade nga nakurat kini apan bisan pa man duna na silay mga daang gipanghimo sa mga tunghaan ilabi na sa pag pasabot sa mga bakak nga ideolohiya sa maong grupo.

"Actually nagulat din ako hindi ko rin alam na ganun yung extent o yung degree, hindi ko rin kasi palaging nakakausap sila Lalaine at Dina, yung kani ganun pala yung recruitment sila ang nakapagbigay ng kasagutan," matud ni De Leon.

Samtang gibutyag usab sa kasundalohan ilabi na ni Brigadier General Edgardo De Leon, commander sa 403rd Brigade nga si Lalaine ug Dina mismo ang buot mopatim-aw.

"Ngayon namumulat sila at nakikita nila na malaki ang kanilang maitutulong sa public information so sila mismo ang humiling 'pwedi ban kaming lumitaw," matud ni De Leon.

Gidugang pa niini nga buot nila makatabang sa mga batan-on ilabi na sa Northern Mindanao.

Gibutyag usab niini nga andam sila nga moadto sa mga tunghaan nga gipanganlan sa maong mga kanhi NPA.

"Kung may may request po yung mga schools na nabanggit pwedi po kaming magpadala ng communicators or information officer," dugang niini.

Andam usab ang maong mga kanhi NPA nga moadto sa mga tunghaan aron lamang nga mapatud-an nga wala sila gapamakak.

"Kung yung paaralan na pinanggalingan niya gusto i-confirm na talagang nag enroll siya dun pwedi natin siyang dalhin dun malamang makikilala siya nung mga school administrator kung saan siya nanggaling," dugang ni De Leon.

Naghangyo usab ang mga kasundalohan sa mga ginikanan nga i-monitor ang ilang mga anak.

Nasayran nga gipanganlan ni Lalaine ang mga tunghaan sama sa Cagayan de Oro College kung saan kini gagikan, Xavier University, Capitol University, Mindanao State University -IIT ug Pilgrim College.

Samtang si Dina usab ang giingong ubos kini sa Kadamay nga organisasyon kinsa na recruit usab sa rebeldeng grupo.

Gibutyag ni Dina nga nagtrabaho kini diha sa Non-government Organization ilabi na sa Bread for Emergency Response Inc. nga nakabase sa Butuan ug nabalhin sa Community Based Health Services ug kani gipundohan sa European Union ug dili makalihok kung walay pundo gikan sa maong mga nasud.

Tuig 2006 nahimong kahera ug taga withdraw sa minilyon nga kwarta aron gamiton sa mga serbisyo sa aktibidades diha sa komunidad.

"Year 2006 din po una akong nakapunta sa armado o sa lugar kung saan nandun ang mga New People's Army," matud ni Dina.

Gidugang usab niini nga ang mga legal nga orgsnisasyon sila ang nagsuplay sa mga panginahanglanon sa mga armadong grupo sama sa tambal, pagkaon, ug uban pa.

Nitahan kini tungod giingong sa rason nga dili na maagwanta ang sayop nga prinsipyo sa maong grupo ug lakip na usab ang pag-aghat sa ilang mga pamilya nga motahan na ug mobalik na sa sabakan sa gobyerno.

Gikompirma usab niini nga duna silay mga menor de edad nga nanga recruit.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph