SUPERBALITA CEBU

‘TNT’ finalist nag-public apology

Shantal Cuizon ug Louie Ocampo / PEP

GIANGKON ni Shantal Cuizon nga siya maoy responsable sa iyang tweet batok sa composer nga si Louie Ocampo nga karon iyang nang gi-delete.

Si Shantal usa sa finalist sa “Tawag ng Tanghalan” samtang si Ocampo usa sa mga hurado sa maong reality singing show sa “It’s Showtime.”

Niadtong Agusto 31, si Shantal nagkanayon atol sa live telecast sa maong programa nga: “Gusto ko pong mag-public apology kay Sir Louie Ocampo. Thank you po kasi kahit ano po iyong nararamdaman ninyo [ay] hindi niyo pa rin ako gi-nong.”

Pwerti niya pangayo og pasaylo sa iyang tweet nga “compose ka lang” nga matod pa nakalitan lang siya ug wa kapugong sa iyang emosyon.

Si Vice Ganda sa iyang bahin, kinsa usa sa mga host, namahayag ngadto sa contestant nga na-offend siya sa usa pa ka tweet niini nga nagkanayon: “hustisya.”

“Huwag ninyo sanang maramdaman na dinadaya kayo ng show na ito at may isang hurado na mandadaya sa inyo at magbibigay ng injustice,” sey pa ni Vice.

Mipahinumdum sab ang TV host nga gamay ra ang industriya ug importante alang sa mga singer ang composer, “kung wala ang mga composer, wala kayong aawitin.”

“Lahat po ng pagkakamali, aminin mo lang, kasi wala namang pagkakamali na naitatago, lahat kailangan aminin at [may] dapat matutunan,” panapos ni Cuizon.

Nidugang si Vice nga: “At may mga pagkakamaling hindi nakaka-proud.”

Si Cuizon wa kasulod sa grand finals karong buwana ug ang final two spots gi-ukopar nila ni Julius Cawaling ug Violete Bayawa. (B)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph