PAGDISIPLINA sa Talisaynon ug sa publiko kalabot sa saktong paghipos sa basura, gipahugtan ang sanitation code sa siyudad sa Talisay.
Gitug-an ni Bise Mayor Alan Bucao nga kasamtangan nga gi-review ang Solid Waste Management Code sa siyudad, nga niadto pang 2001 giumol.
Posible ning buwana, mogawas ang resulta sa pag-review, diin ipasar na kini sa committee level hangtud na sa plenary.
Matod ni Bucao, usa sa gipatun-an nga pahugtan, ang pagpataas sa multa sa masakpan nga nagpasagad og labay og basura.
Gitun-an nga lakip sa makamulta ang nakakita apan wala lang gibuhat. (FMD)