SUPERBALITA CEBU

Dul-an sa 400 senior citizens natabangan

DUL-AN sa 400 ka senior citizens ang nakabenepisyo sa Health and Wellness Program sa siyudad sa Sugbo.

Base sa record sa buhatan ni Konsehal Niña Mabatid, vice chairman sa committee on health, niabot og 385 ka mga lolo ug lola ang naserbisyohan sa maong programa nga gipaluyohan usab ni Mayor Edgardo Labella.

Si Connie Madarang, administrative officer IV, nagkanayon nga lakip sa mga serbisyo nga gitanyag sa buhatan ni Mabatid mao ang libreng blood pressure, sugar testing, eye check-up (free eye glasses) physical rehabilitation.

Dugang ni Madarang nga adunay 80 ka mga senior citizen nga anaa sa ilang lista alang sa ipahigayon nga libreng cataract operation.

Lain sab nga 36 ka mga lolo ug lola ang gikatakdang hatagan og libreng hearing aid ni Mabatid gumikan sa ilang problema sa pandungog.

Lakip sa mga barangay kansang mga senior citizen nakabenepisyo gikan sa mga barangay Kamputhaw, Mabolo, Parian, Ermita, Capitol Site, Kamagayan, Pahina Central, Cogon Ramos, T. Padilla, Tejero, Sto. Niño, Hipodromo, Sambag I ug Sambag II ug Lusaran sa north district.

Naay say mga lolo ug lola gikan sa mga barangay Labangon, Tisa, Buhisan, Poblacion Pardo, Guadalupe, Kalunasan, Pahina San Nicolas nga apil sa programa ni Mabatid bisan kon sila taga south district. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph