Kanus-a pa kaha ta makaamgo?

Maora ko’g na-high blood nagtan-aw sa senate hearing sa TV gahapon bahin sa Bureau of Corrections.

Kana untang mga opisyal ba nga duna nay isyu sa corruption dili na unta na hatagan og puwesto ni Duterte.

Usahay di ta kabasul aning mga taga-showbiz nga vocal na kaayo sa mga isyu sa atong nasud.

Kinsa may di mosurok nga dako kaayog intelligence funds, binilyon, para lang madakpan ug makumbikto ang mga most wanted, unya buhian ra sa kasayon?

Kining corruption sa Pilipinas maora sad ni’g traffic ug baha. Gilabyan na ta og pila ka administrasyon pero wa gyuy nakasulbad. Nigrabe pa hinuon.

Maorag ang atong gikinahanglan dili na presidente kundi ang Avengers o di ba kaha si Darna. Pagkadaghang badlungon.

AMGO

Sakto ning “Amgo” nga maoy taytul karon sa bag-ong EP (Extended Play) sa Cebuano singer-songwriter nga si John Roa. Kanus-a pa man mo makaamgo?

Pero kining “Amgo” ni John bahin kuno ni sa gugma nga dunay sulod lima ka kanta. Ang EP ni John available na sa Spotify ug iTunes ubos sa Viva Records.

Kakita ba mo? Ako man gi-live sa Superbalita ang iyang performance sa Ayala Terraces niadtong Biyernes sa gabii uban sa iyang banda sa Manila.

Naka-32k views dayon sud lang sa pila ka minuto.

Duna siya’y presscon pagka-udto pero wa ko katunga mao nga didto na nako siya nahinabi exclusive sa Ayala pagkagabii kauban ang iyang Mama Joy ug Papa Nitoy.

Sa presscon wa kunoy nangutana ni John og mga personal sama sa iyang lovelife ug ang nagkadaghan niyang tattoo. Mao nga diha nituyok ang akong mga pangutana. Sa Huwebes basaha ang akong Q and A ni John Roa kay daghan siyag revelation.

Sa Ssssuper Ka!!!

IKAW UG AKO!

Nagsugod pa lang ta pero daghan na kaayo ang nagpada og mga coupon sa atong 25th anniversary promo sa Superbalita Cebu.

Duna ta’y 25 winners: 5 nga tag-1 kilo nga Cebu’s Original Boneless Lechon; 10 winners sa Chilen Chicharon; ug 10 gift packs gikan sa nag-viral nga Paradise Hills Mountain Resort nga makita sa Buluang, Compostela.

Kini atong gihimo isip painit o pasiuna sa mas bonggang raffle promo nga i-anunsyo unya sa Superbalita Cebu sa di madugay isip pasalamat.

Hinaot nga sa kapakyasan man o kalampusan... ikaw ug ako gihapon sa ika-25!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph