SUPERBALITA DAVAO

Pagkamatay sa 4-anyos gikompirma nga meningo

USA ka opisyal sa panglawas sa Davao region nagsulti nga ang ospital berbal nga nagkompirma nga ang 4-anyos nga bata kinsa namatay sa Brokenshire Hospital niadtong Agosto 30 tungod sa meningococcemia.

Si Department of Health (DOH) Regional Director Annabelle Yumang nagsulti sa pakighinabi kagahapon nga naghuwat pa sila alang sa opisyal nga report gikan sa ospital kon diin didto gidala ang bata.

Ila sab nga gikompirma ang gigikanan sa sakit.

Naglusad na sila karon og pagpaniid alang sa mga nakakontak nga mga tawo sama sa mga klasmeyt sa namatay nga biktima sa preschool ug sa sulod sa panimalay o sa mga miyembro sa pamilya.

Matud niya nga ang bata wala na ni-eskuwela niadtong Agosto 29 ug nipalta niadtong Agosto 30 una siya gidali pagdala sa iyang lola sa ospital.

Base sa taho gikan sa GMA News, si Health Secretary Francisco Duque nagkompirma nga ang bata kinsa namatay sa pribadong ospital niadtong Biyernes tungod sa meningococcemia.

"It's true. There's a four-year-old boy who died of meningococcemia," tin-aw ni Duque.

Gikanayon niini nga naa na sila karon sa proseso sa pagsubay sa mga tawo kinsa "close contact" uban sa biktima.

"Meaning, they went to the school where the boy attended school. And they have given prophylaxis to the hospital staff who attended or got exposed to the case of meningococcemia," matud ni Duque, nga nag-ingon nga sakit "very contagious."

Sayo niini, ang Brokenshire Integrated Health Ministries Inc. nihimakak sa mga taho ug nagkanayon nga "no meningococcemia outbreak."

"The patient was a suspected case who exhibited signs and symptoms similar with the case definition of the disease," matud sa Brokenshire sa usa ka opisyal nga pamahayag nga na-post sa ilang opisyal Facebook account niadtong Sabado, Agosto 31.

Matud sa ospital nga nagkolekta na sila og specimen gikan sa pasyente ug gipadala aron nga makompirma.

"The ER (emergency room) and the hospital has been cleared by the Infection Control Committee and is now safe and operating normally as usual," dugang pa sa Brokenshire.

Ang World Health Organization nagsulti nga ang meningococcemia maoy talagsaon nga "infection" tungod sa Neisseria meningitidis bacteria. Kini sama og matang sa bakterya nga hinungdan sa meningitis.

Matud sa WHO nga ang bakterya nga hinungdan sa meningococcemia mabuhi di makadaut sa imong taas nga respiratory tract. Tungod kay simpol nga pagkaladlad sa maong kagaw di igo aron maoy hinungdan sa sakit.

Matud nila nga hangtud 10 porsiyento sa mga tawo nagdala sa maong bakterya. Ubos sa 1 porsiyento niadtong nagdala niini masakit. (Juliet C. Revita)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph