ADUNA nay barangay sa dakbayan sa Lapu-Lapu nga gideklarar nga “drug cleared.”
Kini human nga nakapasar na sa Regional Oversight Committee nga gilangkuban sa kapulisan ug Philippine Drug Enforcement Agency PDEA-7 ang Barangay Caohagan isip drug cleared barangay sa dihang gipa-ubos sa makuti nga validation.
Ang validation nga gihimo sa oversight committee naglangkob sa on-site checking ug pagpakighinabi sa mga sakop sa Barangay Anti-Drug Abuse Councils, kapulisan ug city health officer kalabot sa monitoring nga ilang gipangbuhat sa mga drug personality sa dapit lakip na ang ilang mga lakang pagsumpo niini.
Matod ni Gary Lao, pangulo sa City of Lapu-Lapu Substance Abuse Prevention (C-Losap) nga ubos sa sa lagda sa Dangeorus Drug Board (DDB), ang barangay ubos sa Barangay Drug Clearing Program maoy gitaga-an ug tahas sa pag-atiman sa suliran sa drugas sa ilang dapit inabagan sa kapulisan, PDEA, Department of Interior and Local Government DILG ug Department of Health DOH butang nga nabuhat na tanan sa Brgt Coahagan.
Gitataw ni Lao nga kinahanglan ma-mintinar sa Caohagan ang pagpabiling drug cleared sa ilang dapit aron dili sila ibalik ngadto na usab sa pagka drug affected nga barangay.
Sumala pa nga quarterly ang ipahigayong asessment sa oversight committee sa mga barangay nga nahimong drug free aron pagsigurong wala gayuy presensya sa drugas sa ilang dapit.
Sa pagkakaron wala pay laing barangay ang dakbayan sa Lapu-Lapu nga posibleng madeklarar nga drug cleared gawas sa Caohagan.
“Continue gihapon ang ato-ang Badac meeting, that’s part of harm reduction para sab continue ang atong monitoring sa ato-ang mga barangay nga gi-declare as drug cleared, one barangay - one step at a time lang sa ta kay ug daghan ta i-declare ma-loss ta og focus. ” matod ni Lao. (GCM)