DEAR Tita Heart,
Maayong adlaw nimo Tita ug sa mga suki sa Superbalita. Itago ko sa ngalan nga Luz diri lang sa CdeO. Akong problema tita bahin ni sa akong bana nga grabe ka palainom. Walay adlaw tita nga dili siya mahubog. Kun dili siya mobangka, pirme siya ang malibre. Pag-uli sa balay maglasong kon maabtan walay pagkaon. Sige ko badlong niya tita kay usahay iyang sweldo mahurot sa inom. Tita please, please tambagi ko unsa akong buhaton ani akong bana.
Luz
***
Hello Luz,
Parehas man ni sa akong sitwasyon agud bitaw nagdesisyon nalang gyud ko mo-abroad kay ako gilantaw ang kaugmaon sa akong mga anak kon ilang amahan ra saligan looy mga bata. Di na maagwanta. Ingon mag bag-o na, wa abtig isa ka bulan, balik man gihapon kay iya na gyud nang bisyo. Magluya daw sya kon di makainom. Nah, hala, mao man kaha imo, aw unsay dugayan. Di na uso martir karon panahona. Unsaon man nang gugma kon gutom imong pamilya kay inom
giuna.
Phing Bisto Casano, follower sa Superbalita Cagayan de Oro Facebook page