NASAKMIT sa no.2 team San Marino Corned Tuna/University of San Carlos (USC) Warriors ang premirong puwesto sa semi-finals human nila gipangmakmak ang no.7 Bibbo Hotdog/Cebu Institute of Technology (CIT) Wildcats, 78-68, kagahapon sa Cesafi-sanctioned 2010 Partner’s Cup seniors division sa Cebu Coliseum.
Sukwahi sa ilang engkuwentro sa eliminasyon nga kulbahinam kaayo, ang Warriors ni coach Mike Reyes mikontrolar gyud sa duwa ning higayuna.
Sa juniors division, nakasulod sab sa semi-finals ang mga inilog nga no.2 CIT Wild Kittens ug no.4 Ave Maria Sanctuary Park/University of San Jose Recoletos (USJ-R) Baby Jaguars human nila gipangbuntog ang ilang tagstagsa ka kontra.
Gipanglampornas sa Wild Kittens ang no.7 Prime Asia/Don Bosco Techological Center (DBTC) Baby Greywolves, 91-70, samtang gipangmakmak sa Baby Jaguars ang Baby Warriors, 78-65.