SUPERBALITA CEBU

Super Lami Extra: Bucket shrimps alang sa way seafood allergy

ANG trending nga bucket shrimp sa Sugbo nagpabilin nga naghatag sa mga Cebuano og malamian nga seafood.

Niabot na sa walo ka mga branches lukop nasod.

Kon pasayan ang imong gipangita nga pang barkada o pang pamilya, well, aduna na’y upat ka branches ang I Love Bucket Shrimps sa Sugbo ug pito na sa kinatibuk-an sa Pilipinas.

Ang labing uwahing giablihan niini mao ang Tisa branch. Ginganlan kini sa tag-iya nga si Robert Chad Regner nga I Love Bucket Shrimps-Cube.

Abril 2019 gibuksan ang Tisa branch.

Gikan sa bucket lang nga shrimp diin nisikat si Regner, karon aduna nay barkada meals ang I Love Bucket Shrimps.

Kining Wow 2 nga barkada meal nga pwede sa 4-5 ka tawo, sulit na.

Tungod sa kanihit sa lobster o alimango dili kanunay available ang ilahang Wow 1 barkada meal.

Ginganlan kini nga Cube ni Regner tungod kay aduna’y mga container vans sa Tisa branch.

Mamahimo na unya kini nga food park tungod sa plano niya nga magbutang og nagkadaiyang option nga mapalit.

Gikan sa shakes, pizza, carenderia, ug sa ilimnong makahubog, plano ni Regner nga matuman kini sa Tisa branch niya.

Tuig 2013 dihang nagsugod ang bucket shrimp sa garahean sa lola ni Regner sa Capitol.

Didto niya nakita nga gidumog sa tawo nga gusto makatilaw sa iyang timpla sa simple lang nga gipabukalan nga shrimp ug gibutangan kini og sauce.

Tulo ka sauce ang kapilian-cajun sauce nga maoy labing sikat, garlic butter ug curry.

Abli ang Tisa branch 11 a.m.-2 p.m. ug 5 p.m.-12 midnight.

Anaa kini mahimutang sa 644 Katipunan St., Brgy. Tisa, Cebu City.

Laing branch nila sa Sugbo anaa sa Capitol, Mactan, ug Seaview SRP.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph