DAGHAN ang nagpabor nga angayang buhian si kanhi General Jovito Palparan, kon hisgutan ang Good Conduct Time Allowance (GCTA) Law.
Matod nila si Palparan nahimong biktima sa propaganda sa kalihukan sa mga komunista pinaagi sa pagpasangil nga responsabli sa pagpamatay sa mga aktibista.
Gani sa ilang pagsabot sa mga pamahayag ni Palparan atol sa interview sa media biktima kini sa maniobra sa kanhi administrasyon.
Si Delima kalihim sa Department of Justice ( DOJ ) ug pangulo sa Commission on Human Rights (CHR) ug 1st degree cousin ang asawa ni Jose Mari Sison, ang founding chairman sa CPP/ NPA.
Abogado gi-ambus
Gikondinar sa Integrated Bar of the Philippines (IBP) ang pagpang-ambush ni Atty. Innocencio dela Cerna.
Maayo sab unta i-apil sa IBP ang pagkondinar sa tanang kaso sa pagpatay nga naglambigit sa riding in tandem.
Maayong masayod ang grupo sa mga abogado nga ang kasagaran sa mga nahimong biktima mga yanong sibilyan ug nangamatay na.
Si de la Cerna nakalingkawas sa pag-ambush ug tapsing lang sa bala gikan sa armas sa iyang bukton.
Mga datu gibuhi-an
Dakong tamparos sa gobyerno ni Presidente Rodrigo Duterte ang pagpabuhi sa liboan ka mga piniriso nga nakonbekto sa kasong heinous crime.
Samtang hugot nga mikampanya ang presidente batok sa kriminalidad ginamit ang kapulisan sama sa illegal nga drugas nga miresulta sa kamatayon sa libo-libo ka mga tawo.
Ug tungod sa balaod nga Good Conduct Time Allowance (GCTA) Law gipahimuslan sa mga sinaligan sa Presidente ang maong balaod sa pagpabuhi sa mga konbektadong kriminal.
Nasentro sa kontrobersya mao si Bureau of Correction (BOC) Chief Nicanor Faeldon. Gani gusto ni Kongresista Rofus Rodriguez, usa sa mga amahan sa balaod sa GCTA, nga maoy responsabli sa kontrobersya.
Samtang, si Department of Justice (DOJ) Secretary Menardo Guevarra, namahayag nga ang mga nakonbikto sa heinous crime dili makapahimulos sa GCTA.