WA NA igkita sa kapulisan sa Dakbayan sa Sugbo si manlalaban Inocencio de la Cerna usa ka adlaw human siya banhigi sa riding in tandem nga iya usab gibaslan pagpusil.
Matod ni Cebu City Police Director Police Colonel Gemma Vinluan nga wa modangop sa iyang buhatan si de la Cerna hinungdan nga iyang gipapangita sa iyang mga sakop.
Gusto niyang maimbestigar og tarong si de la Cerna, kinsa daling nibiya sa Waterfront Police Station niadtong Lunes sa buntag, diin siya nidangop human sa ambush. Sa pagkakaron, nakatutuk sila sa anggulo nga may kalabutan kini sa kaso nga gihuptan sa abogado.
“Yung sinabi niya na tatlong suspek, di niya naibigay sa amin eh. Kahapon mayroon siyang isang nabanggit. Tapos nag follow up yung taohan ko, dalawa yung binabanggit nyang posibling suspek sa pag ambush sa kanya. Kaya di muna natin i-divulge baka ma-preempt yung investigations natin,” matod ni Vinluan. (AYB)