SUPERBALITA CAGAYAN DE ORO

Todino: Sogie

Pro Bono

ALANG sa pundok sa LGBTQ+ o lesbian, gay, bisexual, transgender and queer, kining House Bill o balaodnon 4982 nga gitawag og Act Prohibiting Discrimination on Basis of Sexual Orientation or Gender Identity or Expression SOGIE, dako og ikatabang sa ilang pagkatawo.

Daghan nga miuyon sa balaodnon kay lagi giila niini sa gobiyerno ang batakang katungod sa matag tawo sa way pagtagad sa iyang sex, age, class, status, ethnicity, color, disability, religious ug political beliefs, sexual orientation, o gender identity.

Kon buot hunahunaon, naa na kini sa atong batakang balaod ang pag-ila sa tawhanong katungod – mababaye o lalaki ka man o unsa, o lahi ka og baruganan o pilosopiya.

Apan kining SOGIE Equality Act wala kini maghatag og pinasahi nga kagawasan ug katungod alang sa mga LGBTQ+. Nagpalig-on lamang kini sa ilang tawhanong katungod.

Diha sa maong balaodnon, dili pwede i-discriminate nimo ang sakop sa LGBTQ+, dili ka pwede mag-gender profiling nila, dili pud mahimo nga hikawan mo sila sa serbisyo publiko o did-an mo sila sa pagsulod og trabaho o pag-eskwela.

Kadtong mga tawo nga wa pa moladlad sa ilang pagkatawo ngadto sa publiko maprotektahan sila niining SOGIE Equality Act.

Molusot man o dili kining balaodnon sa Kongreso, tataw nga nagkalanog kining mga kausa sa LGBTQ+, dili lang sa gawas sa nasod apan mismo dinhi sa atong tugkaran.

Tinuod katungod sa gobiyerno nga maprotihian ang katawhan ug marespetohan ang tanan sa ilang tawhanong katungod.

Bisan basihan nato sa Bibliya, gikan sa pulong sa Dios, tataw nga gipatigbabaw usab ang pagtahod sa tawhanong katungod sa matag usa.

Apan, samtang giklaro sa Balaang Kasulatan nga duna lamay duha ka klase sa tawo – lalaki ug babaye, ang pagpalusot sa gobiyerno niining SOGIE tataw nga giila niini ang LGBTQ+ ug gisalikway nila ang standard sa Ginoo.

Kon sabton nato ang Kasulatan, kining pagtumaw sa ubang matang o klase sa tawo – sama sa laken-on o tomboy o bayot, resulta kana sa sala.

Hingpit o perpekto ang pagmugna sa Ginoo og tawo. Apan gumikan sa sala, nanggawas na kining abnormality sa tawo ug bisan na gani sa tanom ug mga hayop.

Mahimong mausab sa gobiyerno ang polisiya niini paghatag og kaangayan ug katungod ngadto sa LGBTQ+ nga pundok apan dili gyud niini mausab ang matang sa pagkatawo sa usa ka LGBTQ+.

Ang problema gud niini, mangatarungan ang uban nga kabubot-on sa Ginoo nganong na ingon niana sila. Busa nagpadayon sila sa pagkinabuhi nga ingon niana.

Wa sila mosulay og duol sa Ginoo aron usbon ug ibalik sa insaktong pagkatawo ang ilang pagkatawo. Daghang testimonya nga usa ka bayot hingpit na nahimong lalaki human gitahan niya ang tanan ngadto sa Ginoo nga maoy naghimo og milagro.

Kining nahitabo sa atong palibot ug sa ubang nasod pag-ila sa LGBTQ+ group, nagpa-ila lamang nga hapit na gyud ang pagbalik ni Hesu-Kristo nga mopahamtang og silot alang niadtong nagpadayon sa pagpakasala apan maghatag og ganti nga kinabuhing way katapusan niadtong nagmatinumanon sa iyang sugo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph