SUPERBALITA CAGAYAN DE ORO

Kaso sa dengue sa Northern Mindanao miubos na

NIUBOS na ang kasong dengue sa Northern Mindanao ug gilauman nga mas moubos pa kung padayong magpakabana ang katawhan.

Nasayran nga anaa sa 19,525 ka kasong dengue ang natala sa Enero hangtod Agusto 31 ug ang Bukidnon ang dunay pinakadaghang kaso nga anaa sa 7,672 nga anaa sa 39 porsiyento.

Anaa usab sa 76 ka natalang patay tungod sa maong dengue. Kadaghanan usab sa mga nataptan mao ang lalaki nga anaa sa 53 porsiyento nga nag edad og usa ka tuig hangtod sa 89 anyos.

Gibutyag ni Gemma Uy, program director sa dengue prevention sa buhatan sa Department of Health (DOH), nga nigamay na ang ihap apan anaa pa gihapon kini sa epedimic ug naglaom nga magpadayon ang pag-ubos sa ihap sa mga kasong nataptan niini.

“Paubos iyang trend pero naa pa gihapon ta sa epedimic threshold so dapat i-strengthen gyud nato ang atong advocacy. I-stregthen nato ang atong 4S nga campaign, ang search and destroy the breeding site,” matud ni Uy.

Samtang sa dakbayan sa Cagayan de Oro, makita usab ang pag-ubos sa kaso diin sa 28-35 morbidity week anaa na lang sa 195 ang sa Carmen diin kaniadto anaa sa 319.

Gibutyag ni Dr. Joey Retuya, epidemiologist sa City Health Office (CHO), nga niubos na ang kaso ug naglaom nga magpadayon ilabi na kung magpadayon usab ang katawhan nga magpakabana ug batason ang 4’ o clock habit o pagpanglimpyo kada hapon atol sa special report sa regular nga sesyon sa konseho.

“I will just like to highlight that since the 33rd up to the 35th, 2 or 3 morbidity weeks, we have now low cases and decrease in the number of cases,” matud ni Retuya.

Kini tungod na usab sa gipahigayong mga clean-up drive ug uban pa sa lokal nga kagamhanan sa siyudad ug sa mga ka barangayan.

Nanghinaot kini nga magpadayon pinaagi na usab sa pagpadayon usab sa hugot nga kampanya batok dengue.

Kaso sa dengue sa Northern Mindanao miubos na


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph