DAGHAN sa mga Talisaynon ang nagtuo nga magpabilin nga mogara si Joavan Fernandez kon anaa pa ang iyang amahan nga si Mayor Socrates Fernandez sa katungdanan.

Si Joavan kanunay nga mabutang sa kontrobersiya sukad nga si Mayor Socrates nabutang sa posisyon.

Apan sagad sa mga kaso ni Joavan mokalit lang og kahilom tungod sa pag-atras sa iyang mga biktima.

"The Manny Pacquiao Blog". Click here for stories and updates on the Filipino boxing champ.

Si kanhi Bokal Raul Bacaltos nga maoy kaatbang ni Mayor Fernandez sa umaabot eleksyon niingon nga ang mga sunod sunod nga kontrobersiya ni Joavan magsilbe nga makapahigmata sa mga Talisaynon.

Matod ni Bacaltos nga ang kapakyas sa mayor pagdisiplina sa iyang anak nagpakita sab kon unsang matang siya pagka manager sa dakbayan sa Talisay sud na sa unom ka tuig.

“All we need is a true manager at City Hall. Sad to say that we are lagging behind by the neighboring LGUs in terms of economic progress and development under this administration,” matod ni Bacaltos.

Daghan hinuon gihapon sa mga lumolupyo sa Talisay ang nagtuo nga masublian si Mayor Fernandez sa umaabot eleksyon tungod sa iyang kabuotan ug sa pagpaluyo ni Kongresista Eduardo Gullas.

“Kon padag-on gihapon si Soc (Mayor Fernandez), aw mosamot na kagara si Joavan,”matod sa usa sa mga paryente sa mayor nga di magpaila.

Si Gemma Empaces,minyo,taga San Isidro, niingon nga angayan gyud disiplinahon sa mayor ang anak niini tungod kay posibling mao kini ang makapilde niya sa eleksyon. “Kon mayor gihapon si Fernandez, mosamot gyud nga magpahimulos na si Joavan tungod kay magsalig man nga siya maoy hari sa Talisay,”matod sa usa ka konduktor sa PUJ. (VLM)