NAG viral karon sa social media ang post sa usa ka abogada labot sa tawag sa usa ka lalake nga wala niya mailhi nga nang hulga kaniya nga maoy isunod sa pag ambush ni Attorney Inocencio Dela Cerna.
Nagpaila ang maong tawo nga leader sa hit squad gikan sa Mindanao diin nalakip sa lista ang maong manlalaban nga patyonon apan mahimo ra kini nga dili mahinayon kung mo bayad siyag kwarta.
Tungod kay walay kwarta nga ika bayad mitubag nalang ang abogada nga ipapatay nalang siya.
“Maam head ko sa gun for hire sa Mindanao karon naa koy unom ka tawo naa ron naa diha sa Cebu. Apil ka sa lista nga itumba namo diha sa Cebu. Kagahapon wala ma purohi si Inocencio Dela Cerna. Karon mam ikaw ang isunod nga project nga itumba namo. Gi surveillance ka sa mga tawo namo pila ka adlaw pwede paka tabangan buhion ka namo,” matod sa tingog sa lalake sa pikas linya.
Giingong nangayog dakong katindad ang maong tawo aron lang dili ihinayon ang pag patay sa maong abogado.
Tungod niini si police Colonel Gemma Vinluan hepe sa Cebu City Police Office nagkanayon nga mohimo silag imbestigasyon sa giingong pagpanghulga apan iyang giawhag ang mga biktima nga mo dangop sa police station o kaha sa ilang buhatan.
Aduna siyay tahasan nga mga imbestigador sa pag kuha sa impormasyon ug posibling pag ila kinsa ang tawo nga nanawag ug mihulga nga patyon ang mga biktima.
Ipa pangita ni Vinluan kinsa ang maong lalake aron manubag kini sa iyang salaod nga nahimo.
“Ito ay isang malinawag na extortion at hindi po natin ito ito-tolerate, hahanapin po natin sila,” matod ni Vinluan.
Apan labing maayo unta matod ni Vinluan kung wala gi post sa facebook ang video sa panagsulti sa biktima ug sa suspek aron ilusad nila ang entrapment operation. (AYB)