Super Ka: John Roa natuman ang damgo sa 'Amgo'

BATA pa lang damgo na ni John Roa nga mahimong inila nga musikero.

Ug samtang nag-perform siya sa Ayala Terraces niadtong Biyernes sa gabii, matod ni John nga nanumbalik ang mga panahon dihang gihanduraw pa lang niya ang kaugalingon nga makatukar usab sa maong entablado.

Ang 19-anyos nga Cebuano singer-songwriter unang nanimpad sa Manila sa edad nga 16.

Gibaid niya ang iyang talento sa pag-apil og mga TV competition sama sa Talentadong Pinoy sa TV5 ug Pilipinas Got Talent ug Tawag ng Tanghalan sa ABS-CBN.

Hangtod nga nahimong social media sensation dihang nag-viral ang iyang mga kantang “Di Ako Fuccboy” ug “Oks Lang” nga dunay 16 million views na sa YouTube. Kanhi miyembro usab siya sa Ex-Battalion nga maoy nagpasikat sa “Hayaan Mo Sila.”

Ang iyang Mama Joy ug ug Papa Nitoy tua na nagbase sa Manila aron siya magabayan.

Ang magtiayong Roa na-featured na sa “Maalaala Mo Kaya” niadtong 2011 sa title episode nga Bimpo (labakara sa bisaya) tungod sa ilang love story nga nagsugod dihang 13 anyos pa lang sila.

Ang bunga sa ilang pagminahalay ang bugtong anak nilang si John Roa nga mainitong gihangup pagbalik sa Cebuano fans atol sa promo tour sa bag-o niyang EP (Extended Play) nga gi-released sa Viva Records nga giulohan og “Amgo.”

John Neil Torrente Roa, Ssssuper Ka!

Ngano “Amgo” man?

Maora siya og realization sa akong kinabuhi as a singer and songwriter. Nakaamgo ko nga wa na ko magdamgo. Tinuod na jud ni. There are actually five songs in my EP: Lagi, Muli, Andiyan, Natatangi ug Itutuloy. So these songs are more of my realizations in life. Ang Amgo maoy pinaka-taytul sa project pero ang mga kanta puros Tagalog.

Nakasuway na kag himog Cebuano songs?

Nagplano pa lang. Di lang nako kaliton ang mga tawo gud kay naanad sila nga Tagalog akong mga kanta. Ako lang gihinayhinay og incorporate ang akong pagka-Bisdak. Hopefully, I will do Cebuano songs.

So, how are you? Duna na lagi kay tattoo?

Oo... nanaghan. Nag-start ko last year. Di na nako maihap. Tingali mga 10 na. Kini siya (sa bukton) ang design microphone ug rose. Kini sa pikas is my motto in life: “Never give up.” Duna sad ko dire sa bitiis (iyang gisaka ang iyang karsones) nawong ni mama ug ni papa para tugtan ko magpatattoo hahaha...

Duna na ka’y girlfriend?

Oo.. singer pud siya ug Youtuber. Three years na mi. Pero dili mi showy sa among relationship. Actually, fan nako siya nga naging girlfriend ko. Si Raina Eguia, who is from Manila.

Tinuod nga na-diagnosed ka og anxiety disorder?

Yes, actually kanang uban nakong songs sa EP is about anxiety disorder para pud maka-inspire sa uban especially sa generation karon nga daghan nang gi-go through. Pag nagpa-panic attack ako sometimes umaabot ng 160 yung BP (blood pressure) ko. Pero karon manageable na. Ampo ra gyud para mokalma then inhale, exhale.

Kumusta ang imong presscon ganiha?

Super fan. Kay first time to nako nga magpa-presscon sa Cebu. Ang pinakalisud nga question I think kadtong “how do I see myself 20 years from now.” It’s a hard question to answer kay I really don’t know. What I only know is that I will always be making music, hoping to score more hits.