ANG labaw nga lider a grupo nga Syntrofia nga si Feliculo “GSMES Double Delta” Lecciones, Jr. miduaw sa iyang Tuburan Sector niadtong Septyembre 1, 2019 uban sa mga opisyal ug miyembro sa nagkalainlaing sector sa grupo saq lalawigan.
Atol sa maong kalihukan, hilabihan ang kalipay sa mga miyembro sa Tuburan Sector nga gipangulohan ni MES Inocencio Requiso, konsehal sa Barangay Fortaleza, sa dihang gipahibalo sila ni SMES Double Delta nga sa sunod ting-abli sa klase uobra sa 20 ka mga estudyante sa maong barangay ang paeskwelahon sa Syntrofia diin ang grupo ang moabaga sa galastuhan niini.
Kabahin kini sa ilang Synrofia Scholarship Program diin ang grupo mogasto sa pagpaeskwela sa mga estudyateng kabus nga maglisud gayod sa pagpatungha ang mga ginikanan.
Sa maong panagtigom, nmitambong usab ang barangay captain sa maong barangay nga si Hon. Fernando Condiman, kinsa dako kaayong pagpasalamat sa grupo tungod sa maong proyekto sa grupo.
Gawas sa Scholarship Program, si GSMES Double Delta, nisaad usab nga ang ilang tinuig nga Paskong Handog Program anha kini ipahigayon sa usa sa mga publikong eskwelahan sa maong barangay karong Disyembre.
Kahinumdoman nga kining maong programa gipahigayon sa grupo matag Disyembre sa nagkalainlaing eskwelahan dinha sa mga bukirang bahin sa Consolacion, Cebu diin himoan nila ug Christmas party ang tanang estudyante lakip na ang mga ginikanan.
Mga pagkaon, ice cream ug may parlor games usab nga ipahigayon diin mga ganting salapi ug mga gamit sa pag-eskwela ang mga premyong ipanghatag.
Dugang niini, sa sunod nga pagbisita sa grupo ilang pagahisgutan na usab ang livelihood nga programa alang sa mga miyembro sa Syntrofia Tuburan Sector diin kasagaran niini mga yanong mamumuo ug mga mag-uuma.
Ang Syntrofia usa ka lihitimong grupo nga motabang sa komunidad ug rehistrado sa Security and Exchange Commission (SEC) ubos sa registration no. 201961960. (PR)