TULO ang patay sa panagbangga sa duha ka mga motorsiklo sa nasudnong highway sa Barangay Malhiao, lungsod sa Badian, Sugbo, pasado alas 8 Martes sa gabii.
Si PCpl. Tirso Sol, desk officer sa Badian Police nga nahinabi sa Superbalita Cebu, niila sa mga biktima nga sila si Jonard Labadia, 23, taga Barangay Banhigan; Mishael Oriente, 16, taga Barangay Poblacion, Moalboal ug Jasper Balangco, 16, taga Barangay Balabagon, Moalboal.
Si Labadia nga gikan pa sa iyang gitrabahoan nga agrivet supply namatay diha-diha.
Si Oriente namatay pipila ka oras human madala sa tambalanan samtang si Bacalangco nakabsan sa Miyerkules sa kaadlawon. Matod ni Sol nga ang duha ka mga habig puro na padulong manguli.
Way nakuhang lisensya ang mga pulis sa lawas ni Labadia.
Si Labadia nag-inusarang sakay sa iyang motorsiklo samtang sila si Oriente ug Balangco nag-angkasay. (BTT)