GITAGALAN ni Presidente Rodrigo Duterte ang gipangbuhian nga mga convict sa heinous crime sa pagtahan sulod sulod sa 15 ka adlaw.
Kon sila mapakyas sa pagtahan, naghuna-huna si Duterte sa paghatag og P1 million reward alang sa pagsikop og balik sa mga convict nga gipagawas sa Bureau of Corrections (BuCor) tungod sa good conduct time allowance (GCTA) system.
“P1 million per head, dead or alive,” matod ni Duterte.
Lakip sa nabuhian mao sila si Josman Aznar, Ariel Balansag ug Alberto Caño, tulo sa pito nga gikombikto sa 1997 sa paglugos ug pagpatay kanila ni Marijoy ug Jacqueline Chiong.
Gikompirma ni BuCor chief Nicanor Faeldon nga ang tulo gibuhian na human hatagi og release orders nga gipetsahan og Agusto 16, 2019 nga gipirmahan sa laing BuCor official, Maria Fe Marquez.
Matod sa Presidente nga andam siyang mopatay sa killers sa Chiong sisters, Eileen Sarmenta ug Gomez, kon moabot ang kahigayunan.
“Given the propensity of [1,914], including ‘yung nag-patay sa Chiong sisters pati ‘yung Sanchez, ‘yung high profile na galit ang tao. Gusto ko silang patayin kaya lang walang opportunity. But given, I’ll execute them. No problem,” siya niingon.
“Lahat ng nakulong at na-release sa batas na ito (released inmates because of the law), [1,914] of you, you surrender and have yourself registered with the BuCor (Bureau of Corrections). I will give you 15 days liberty, provided you make yourself available any time that you will be called for investigation, to have a recomputatuon or if there’s an uncestigation of corruption, that you cooperate fully,” matod ni Duterte sa usa ka press conference.
‘Shoot to killl’
Alang kang Thelma Chiong, inahan nila ni Marijoy ug Jacqueline, “shoot to kill nana, kay illegal ang pagpagawas nila, angayan lang dakpon...i shoot to kill,” matod sa inahan sa interview sa GMA 7 Balitang Bisdak.
Daw sa mobuto ang dughan sa kalagot sa magtiayong Dionesio ug Thelma Chiong sa dihang misaysay sa pagpagawas nilang Aznar, Caño ug Balansag human makabenepisyo sa GCTA.
Matod ni Dionesio nga di na sila moadto pa sa Senado alang sa inquiry tungod kay di na sila ganahan nga magsige pag hisgot gumikan kay ang ilang gusto dakpon pagbalik ang tulo.
“Daghan na silag nasad-an nga nangasuko nila. Sila ang angayan nga mahadlok kay basin matokhang sila,” matod ni Dionesio sa samang interview.
Faeldon gipa-resign
Si Duterte nidemanda gilayon sa resignation ni Faeldon tungod sa pagpagawas sa 1,914 ka mga convict.
Usa unta sa mabuhian mao si kanhi Calauan mayor Antonio Sanchez nga gikombikto sa paglugos-patay kang Eileen Sarmenta ug pagpatay kang Allan Gomez.
Gi-recall ang release order tungod sa kasuko sa publiko. (SunStar Philippine, AYB)