WA MAN niya makuha ang korona, apan malipayon and thankful sa suporta ang Dabawenyang si Julie-Ann A. Arroyo nga maoy representante sa nasud sa Mrs. International World 2019.
Sa nakalabay nga Hulyo 22-28 ning tuig, mi-fly padung Melaka Malaysia si Arroyo aron ibansiwag ang bandera sa Pinas ug ang kalibre sa mga Dabawenyas sa kompetisyon.
Aminadong nagduha-duha sa pagdawat sa tanyag nga siya ang morepresenta sa Pilipinas tungod sab sa nagkadaiyang commitments niya dinhi, apan tungod nagpasulabi ang tumong nga mapatigbabaw ang iyang adbokasiya, maikagong gidawat ni Arroyo ang hagit nga siya ang modala sa tingog sa nasud.
“If I could use this platform to promote my advocacies and educate my country and the rest of the world regarding the flight and challenges that my indigeneous brothers and sisters are facing, to push the passage of anti-bullying laws and raise more awareness about violence againts women and children, why not give it a try,” tipik sa pahayag sa inahan nila Aliannah ug Olivia.
Si Arroyo nga dentista by profession nagdako nga way amahan ug halos wa sab milhi ang inahan.
Didto siya nagdako sa iyang apuhan nga maoy miabi-abi kaniya.
Di man ana kadali ang kinabuhi nga gisagubang ni Arroyo, apan nalig-on siya sa mga challenges nga gisagubang.
Sa kompetisyon nga giapilan, diin anaa sa 40 ka babaye gikan sab sa nagkadaiyang suok sa kalibutan ang miapil, si Arroyo malipayon nga napadangat niya ang iyang tumong ug adbokasiya.
Wa man niya makuha ang nag-unang pag-ila, apan mihakot og pipila ka special awards ang Dabawenya.
Nakuha ni Arroyo ang Mrs. Friendship, Congeniality Queen ug Best in Evening Gown.
Niya, wa man siya mangandoy nga mahimong beauty queen, apan sa mga kasikas sa life, ug tungod sab sa iyang gikampanyang adbokasiya, dinhi siya gidala sa anod sa kinabuhi.