Mayor gisulaya’g patay samtang kuyog patrolya

COTABATO CITY -- Sikpaw ang usa sa mga suspek nga nisulay unta og pusil kang Mayor Frances Cynthia Guiani Sayadi sa dakbayan samtang uban sa Ronda Team sa kapulisan ug kasundalohan alas 9:40 sa gabii niadtong Martes, Septiyembre 3.

Nasayran nga nagpatrolya ang kapulisan, uban ni Mayor Sayadi sa may dalang Dona Pilar, Barangay Poblacion 4 sa maong oras sa dihang buot siyang pusilon sa mga suspek.

Apan maayo na lang nga nakit-an sa mga pulis nga kauban sa mayor ang mga suspek hinungdan nga nikaratil og panagan.

Tungod niini, nahitabo ang ginukdanay sa mga pulis batok sa giingong mga suspek hinungdan nga natiklo ang usa niini.

Giila ang nadakpan nga si Rafael Singh Umal, 18, samtang nakaikyas ang iyang igsuon nga si Abdul Hak alyas Ak-ak, mga molupyo sa Purok Maharlika, Barangay Poblacion 4.

Narekober gikan kang Rafael ang usa ka .38 revolver ug mga buhing bala.

Nasayran nga matag gabii manguna si Guiani-Sayadi sa Ronda Team nga gilangkuban sa mga pulis ug sundalo sa pagpatrolya libot sa dakbayan.

Priso na ang suspek Costudial Facility sa Cotabato City Police Office ug padayon nga gipangita ang iyang igsuon sa kapulisan. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph