SUPERBALITA CAGAYAN DE ORO

4 menor de edad nagsuyop sulod sa lodging house

DISMAYADO ang tinugyanan sa Regulatory and Complaint Board (RCB) sa operator sa lodging house diin nasapon ang upat ka mga menor de edad nga giingong nag-pot session o nagsuyop sa ilegal nga druga niadtong nilabay nga adlaw sa Barangay Lapasan, dakbayan sa Cagayan de Oro.

Nasayran nga gidala na sa hingtungdan nga ahensiya ang upat ka mga menor de edad samtang ang usa ka kauban niini nga 19 anyos ang anaa na sa kustodiya sa Police Station 2 sa Cogon. Giingong nasapon kini nga nagsuyop sa ilegal nga druga sulod mismo sa lodge.

Gibutyag ni Antonio Resma Jr., inspectorate team leader sa Regulatory and Complaint Board (RCB), nga dismayado kini sa maong nahitabo ilabi na nga grabe ka hugot sa kampanya nga ilang gipatuman.

“Medyo dismaya gyud ta kay taliwala sa atong hugot nga kampanya, hugot nga pagpahibalo sa mga business operators ug publiko nga dili na gyud unta magpasulod og mga minors sa ingon ana nga klase nga establishments, inns, hotels, motels, lodging houses para lage malikayan ang ingon ana,” matud ni Resma.

Gidugang pa niini nga tumong lamang niini nga maprotektahan ang mga menor de edad nga mabiktima sa mga ilegal nga kalihokan sama sa mga pagpangabuso ug uban pa.

Sutaon usab sa tinugyanan sa RCB ang panghitabo aron posibleng mag-atubang sa bisan unsa nga posibleng atubangon sa operator sa nahisgutang patigayon.

Gidugang pa nga alang kaniya buot niini nga masampolan sama sa pagpahamtang sa insaktong silot sama sa pagbayad og multa sa kasupakan sa ordinansa o di ba pagpahamtang sa temporaryo nga pagpasarado aron nga mapaabot ang mensahe nga seryuso ang RCB sa pagpatuman sa balaod sa siyudad aron nga maprotektahan ang mga kabataan ug bisan ang patigayon.

“Mahimoan og insakto nga silot kay dili pwedi nga ipalabay lang kay wala biya gyud magkulang ang RCB gusto ta ma sampolan para naay mensahe sa katawhan ug sa operators nga wala gyud ta magdula dula sa pag implementar sa balaod ug seryuso ta sa pagpatuman,” dugang pa.

Giklaro usab niini nga dili sila anti-business apan gihimo lamang ang tanan aron ma proteksiyonan ang mga kabataan ug magpadayon ang pagka child-friendly city ang siyudad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph