GINGANLAN og “Ericka” ang bata nga bag-ong anak nga gidagit apan nabalik na karong panahona sa dakbayan sa Gingoog.
Kini nga pangalan gikuha gikan sa amahan sa dakbayan nga si Mayor Erick Cañosa tungod sa dakong tabang
Gingoog City Government ug kamandoan sa kapolisan nga dili katulgan hangtod di makita ang nawala nga bata.
Sa malampusong pagkabalik niini ug pagkadakop sa suspek, ang pamilya sa bata’ng babaye labina ang inahan nga si Marichu Villegas nakahukom nga nganlan og Ericka ang iyang anak.
Gani si Police Lieutenant Colonel Ariel Phillip Pontillas niingon nga ang kidnapping dili basta-basta nga panghitabo kay sa pelikula lang sagad gakahitabo. Apan dako og kalamposan alang kanila nga sa tabang sab sa katawhan nahibalik nga luwas ang bata.
Karong Lunes gitakda sab nga i-hatag ang reward money ngadto sa magtiayon nga nakakita sa bata sulod sa abandonadong balay.
Ang suspek nga mao si Richard Bernades usa ka bayot gipasakaan na og kasong abduction.
Gikuha ni Bernades ang bata sulod sa birthing home samtang nakatulog ang inahan.