WALA sa Sugbo ang tulo ka kombiktado sa kasong paglugos ug pagpatay sa magsuong Marijoy ug Jacqueline Chiong.
Kini ang gibutyag ni Cebu City Police Office Director Gemma Vinluan sa usa ka press conference Huwebes, Septiyembre 5, 2019.
Sa nakuha nga impormasyon ni Vinluan, naa sa Manila silang Josman Aznar, Alberto Caño ug Ariel Balansag, sigon sa pamahayag sa kabanay sa tulo.
Silang Caño ug Balansag nagpuyo sa Dakbayan sa Carcar samtang si Aznar sa Dakbayan sa Talisay.
Sa mando ni Presidente Rodrigo Duterte pagpa-surrender sa mga nakabenepisyo sa Good Conduct Time Allowance, matod ni Vinluan nga andam sila nga mo-escort sa maong mga kombiktado.
Gipasalig niya nga walay mahitabo sa tulo ug ila kining ihatod sa Bureau of Corrections. (AYB)
[Kini nga balita nag-update pa. Mahimong i-refresh ang page o mo-bisita sa www.sunstar.com.ph alang sa lab-as nga balita.]