SI MATI City Mayor Michelle Nakpil Rabat mihatag og cash incentives sa siyam ka atleta nga midaug og medalya sa 2019 Batang Pinoy National Games sa Puerto Princesa, Palawan.
Atol sa courtesy call sa City Mayor’s Office, Huwebes, Septyembre 5, ang siyam ka medalists ug coaches mipresenta kang Mayor Michelle sa duha ka silver medals ug 5 ka bronze medals nga nabitbit sa delegasyon sa Mati.
Mga silver medalists mao sila Maria Jaden Orquia ug Jonamil Prado sa tennis, ug Merry Joy Tero sa 400-meter hurdle.
Samtang mga bronze medalists mao sila James Lemente ug Ian Calub sa Taekwondo, Filmorn Gorospe sa Karatedo, Cyhrea Ruth Atog sa chess, ug Maria Jaden Orquia ug Jonamil Prado sa tennis.
Gidayeg sa mayor ang kalampusan sa mga batan-ong atleta luyo nga anaa lamang sa 23 magduduwa ug 9 ka coach ang delegasyon sa Mati nga miduwa sa athletics, lawn tennis, chess, karatedo, taekwondo ug sepak takraw.
Ang mayor nga mihatag og insentibo gikan sa personal niyang kwarta mipasalig sa nagpadayong suporta sa lokal nga gobyerno ngadto sa mga atleta. (Mati CIO)