NIBISITA sa Criminal Investigation and Detection Group (CIDG-7) ang magtiayong Dionesio ug Thelma Chiong aron magpakisayod hain na ang tulo ka mga kombiktado sa pagdagit ug pagpatay sa ilang duha ka mga anak nga silang Marijoy ug Jacqueline.
Ilang gipasalamatan ug gidayeg si Presidente Rodrigo Duterte sa pagpatahan sa mga binilanggo nga nakapahimus sa good conduct time allowance (GCTA), apil na niini sila si Josman Aznar, Alberto Caño ug Ariel Balansag.
Matod ni Thelma nga ang CIDG 7 ang nakasikop sa mga responsabli sa kamatayon sa iyang duha ka anak nga babaye ug sila na usab ang gitahasan sa Camp Crame nga mangita sa tulo.
Dugang ni Thelma nga lahi na ang mga panagway karon sa tulo kay 22 ka tuig na ang nakalabay. (AYB, WBS)