SA NAKALABAY nga semana, nakahigayon kita sa pag-break makadiyot sa trabaho ug mibiyahe padung Cagayan de Oro City!
CDO is my second home kumbaga, human ako maminyo.
Tungod di ko kanunay makabiyahe sa maong dapit, matag duaw gyud nako didto mamatikdan nako ang mga kausaban.
Usa na gyud ang nagkadaghan na nilang gambalay ug trapik.
Aron makaginhawa sa trapik ug ma-experience ang “nature” mibiyahe kami ug didto naglulinghayaw sa Barangay Indahag, Cagayan de Oro City.
Among gidalikyatan uban ang akong pamilya ang inilang Noah’s Ark sa CDO sa Amaya View.
Suma pa nga Disyembre sa nakalabay nga tuig nagbukas sa publiko ang maong suroyanan.
Gikan sa sentro sa Cagayan, taud-taud nga biyahe sab gyud ang latason (magdepende sa trapik).
Human ang hapit oras sa dalan, naabot namo ang among destinasyon.
Ang Noah’s Ark mao ang latest nga hilltop attraction sa Cagayan.
Gikan sa ibabaw makita nimo ang kinatibuk-an sa siyudad uban pa ang pagsinati sa kinaiyahan.
Experience the beautiful scenery ug picture perfect view sa 1,122 feet above sea level nga elevation sa lugar.
Bida sa dapit ang mga life-size nga gidak-on sa mga hayop uban pa ang mini-zoo nila.
Daghan sab kag makat-unan labot kahayupan tungod may tour guide nga mouban nimo, mo-isplikar sa matag pangutana labot sa dapit.
Of course sa imong pagdalikyat didto make sure nga full charge ang cellphones and camera batteries aron ma-capture gyud ang matag rampa ug posing.
Ang entrance nila P80 for adults ug P50 sa mga bata.