P10-M matag tuig igahin alang sa kinaiyahan

MOGAHIN og pundo matag tuig ang lokal nga kagamhanan sa dakbayan sa Cagayan de Oro alang sa pag proteher sa kinaiyahan.

Aprobado na sa 19th city council ang ordinansa nga mogahin ang siyudad og P10 milyones alang sa rehabilitasiyon sama sa pagpananom og kahoy aron nga mapugngan ang mga pagbaha.

Ang maong ordinansa nga giduso ni Majority Floor Leader Ian Mark Nacaya gitawag nga Promotion of Environmental Rehabilitation and Conservation Network diin magtinabangay ang mga Non-government Organization (NGO) ug sa lokal nga kagamhanan sa siyudad.

“Every year mag funding kay i-rehabilitate, i-maintain, part sa environmental program mao lugar na nga funding kanang P10 million for purposes, in various areas in Cagayan de Oro makahimo ta og tree planting then we sustain the planted trees of course develop them into livelihood sa uban,” matud ni Nacaya.

Gidugang pa niini nga buot lamang nila nga mapakita sa katawhan nga parte kini sa solusiyon sa nasinatiang problema karon ug usa kini ka responsibilidad sa tanan rason nga kaniadto ang unang bersyon sa ordinansa mao nga maghangyo sa mga kunsomidor sa tubig nga dugangan ang bayrunon sa tubig og 25 sentabos kada cubic meter sa matag panimalay.

“It’s about social responsibility the advocacy of the entire global community, the environmentalist is to really advice, inform the public that they are part of the solution, that P5.00 for example for the payment for environmental services is nothing,” matud ni Nacaya.

Gidugang pa mas angayan nga magpakabana ang katawhan ug ang publiko dunay matampo alang sa kinaiyahan.

Samtang giingong mogahin usab ang Cagayan de Oro Water District alang sa pagproteher sa kinaiyahan gani lakip ang City Local Environment and Natural Resources Office ang duna nay kasamtangang programa sama sa mangroves protection.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph