GIRESPONDIHAN sa kapolisan ang gikataho nga patayng lawas sulod sa kubo sa Barangay Kimaya, lungsod sa Jasaan, Misamis Oriental.
Naabtan sa kapolisan si Rogelio Calibay Pedrano, 68, nga wala nay kinabuhi sulod sa panimalay niini dapit sa fish port sa maong lungsod.
Gisusi sa kapolisan ang patayng lawas apan walay nakita nga samad sa pisikal nga pagsusi ug wala sab nakita nga nag-struggle kini.
Gitouhang giatake sa sakit ang biktima maoy hinungdan sa kamatayon apan miabiso ang kapolisan sa pamilya nga mas maayong ipaubos sa otopsiya ang patay’ng lawas aron mahibaloan ang tinuod nga hinungdan sa kamatayon niini.