MANILA--Nag-request og media coverage ang head sa PR sa Manila City nga tawgon lang nato sa pangang Julius Something niadtong Martes para sa courtesy call ni Gazini Ganados (ang Reigning Bb. Pilipinas-Universe) kang Mayor Isko Moreno.
Alas tres sa hapon ang schedule pero pag-abot ko sa Manila City Hall, may activity pa si Mayor. Hangtod sa natapos ang maong event, si Gazini Ganados wala pa moabot. Nagkukumahog ang staff kay isunod naman ang City Council meeting.
Samtang nagsugod na ang council meeting, mao sad ang pag-abot ni Gazini, na-interrupt kadiyot ang meeting kaya gipadiretso na si Gazini sa opisina sa Mayor.
Didto nadatnan namo ang ubang press, mga in-house press sa Manila City Hall nga maoy kauban kanunay sa mayor. Sila ang gitawag kong Umang Media nga way gihimo kundi i-umang ang ilahang mga cellphone kang Mayor Isko.
Selfie dinhi-selfie didto ang nahitabo kang Gazini sa mga Umang Media og uban pang staff sa City Hall.
Nasayod ako nga nalisdan na si Gazini tungod sa taas ang tikod sa iyang heels pero smile pa gihapon siya. Kauban ni Gazini ang iyang trainor nga si Rodgil Flores of Kagandahang Flores.
Naluoy ako kang Gazini tungod kay wala siya lung-i sa pagpa-selfie kaya matod ko sa iya, “Lingkod ka, Day.” Nilingkod siya. Samtang naglingkod, panay pa rin ang kiblat sa mga camera. Gilain og sabot sa mga Umang Media ug mga Insekyuradas ang pagpalingkod ko kang Gazini.
Nagkaroon ako ng chance ug matod ko kang Gazini, “Batiin mo ang mga taga-Superbalita Cebu day,” nakurat pa siya. Wa niya damha nga may Cebu media nga nag-cover sa maong event. Matod niya “Superbalita Cebu, amping mo.” (Malantaw ang maong video sa Timmy Basil YouTube.)
So, gi-interview ko si Gazini ug tawa kami nang tawa sa 3 minutes video nga gilain diay og sabot sa mga Umang Media og mga Insekyuradas.
Ambot og nganong giinitan ko sa mga Umang Media og Insekyuradas nga nag-Facebook Live naman sila.
Human sa tsikahan namo ni Gazini, giduol na ako sa usa ka hambog nga security, gitalakan og gipalayas ako sa mismong PR Head sa Manila City Hall nga atong tawgon nga si Julius Something as if siya ang tag-iya sa Manila City Hall.