Laing island barangay i-drug cleared

SA DIHANG hingpit nang nadeklarar nga “drug cleared” ang Barangay Caohagan, dakbayan sa Lapu-Lapu nagla-om karon ang kagamhanan sa dakbayan nga aduna pay ubang mga barangay nga mosunod.

Si Lapu-Lapu City Mayor Junard Chan nagkanayon nga posibleng island barangay gihapon ang sunod nga irekomendar sa dakbayan nga ma-drug cleared sa oversight committee nga gipangulohan sa Philippine Drug Enforcement Agency (PDEA) 7.

Matod ni Chan nga mas dako ug tsansa ang island barangay nga ma-drug cleared itandi sa mga barangay sa mainland gumikan sa kagamay sa populasyon niini.

Ang barangay nga napanglantawan sa mayor nga mosunod sa Coahagan mao ang island barangay nga Pangan-an ug Caubian kini base usab sa assessement sa executive director sa City Of Lapu-Lapu Office for Substance Abuse and Prevention (C-Losap), Gary Lao.

“Mas manageable ang barangay kompara sa kini naa sa city,” matod ni Chan.

Si Gary Lao mipadayag nga dili pa kini nila prayoridad sanglit ila pa usab tutokan ang pagminitinar sa pagka drug-cleared sa Caohagan.

Usa sa susihon ni Lao mao ang nahimutangan niining maong mga barangay kun dili ba kini daling masudlan ug posibleng mga drug pusher gikan sa laing dapit.

Ang Caohagan nabuwag sa mainlaind Olango hinungdan nga mas dali kining na drug cleared.

“Dili ta magdali-dali kay dili ta gusto kataw-an ta sa mga tawo nga mag declared-declared ta unya masudlan diay ta ug mga (drugs) mao careful gyud ta ani no pressure” matod ni Lao. (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph