GOOD day, friends!!! “Silver Bells” gayud ang unang Christmas song nga akong napaminawan niadtong September 1, 4:40 sa kaadlawon, hapit na ang Pasko, hoooow hooowww!!!!
Bitaw, ang mga Pinoy gayud ang adunay pinakataaaaaaaaaaas nga panahon sa pagselebrar sa Pasko. Inig tungtong sa “Ber months” (September to December) pwede na kaayo mangaroling. Gani ang uban dili na ginatanggal ang mga dekorasyon aron everyday Pasko, igsuon. Advance Merry Christmas po!
Ang atong hisgutanang, “scar” kay “peklat” sa wikang Filipino ug “uwat” sa Cebuano. Kasagaran, makita gayud ang uwat sa atong panit kung lalum ang samad nga atong nahiaguman.
Nasayod ba kamo nga tradisyon kaniadto sa Korea dili mamahimong ikasal ang hari sa babaye nga adunay peklat sa kalawasan bisan birhen siya? Wow, pahamisay diay ilang tirada!
Ang mga lalum nga samad nato sa kinabuhi nagbilin og mga dagkong uwat dili lamang pisikal sama sa pagkagisi sa atong panit apan apil pod ang sikilohikal ug emosyonal nga mga aspeto. Ang mga palpak nga relasyon ug desisyon pipila sa mga rason nga daghang tawo ang dili maka “move on.”
Sa panahon karon, dali na lamang papaon (erase) ang atong mga peklat. Adunay ihidhid nga cream ug “surgery” sa mga kwartahan, darling.
Si KC Concepcion adunay dakong uwat sa tuhod dihang napatiran niya ang dakong samin niadtong bata pa siya, ug si Robin Padilla, nasunog ang hamis nga bukton busa aduna nay uwat karon pero gwapo man gihapon.
Unsay hinungdan sa imong mga peklat, higala, kagid o disgrasya? Unsa pod imong bation inig mahikapan nimo ang imong uwat, igsuon? Makapahinumdom ba kini sa mga kalampusan ug kalingawan nimo kaniadto o mga pasakit ug pang abuso?
Ang samad maayo na sulod sa pipila ka adlaw apan ang uwat magpabiling saksi sa mga panghitabo ug klase sa kinabuhi nga atong gipili. Ang matag peklat adunay pinasahi nga istorya nga makalukmo o makapadasig sa atoa.
Unsa man ang atong buhaton aron mahupay ang mga marka sa pisikal, sikolohikal ug emosyonal nga gipahinabo sa mga uwat? Honestly, ang magpatabang sa Ginoo ra gayud ang akong masulti.