PATAY na nga nagbitay ang usa ka lalaki human giingong na-depress sa iyang kanhi relasyon.
Alas 4 sa hapon niadtong Biyernes, Septiyembre 6, patay na nga napalgan si Mark (bansagon gipatago sa pamilya), 26-anyos, nagpuyo sa Purok 8, Phase 3, Bagasa, Barangay Bago Gallera, Talomo District, Davao City.
Ang kapuyo niini nga si Gretch, 24-anyos, crew sa usa ka fast food chain, maoy nakakita sa biktima nga nagbitay na sud sa kuwarto.
Gilayong miabot ang Central 911 ambulance kinsa maoy mideklara nga patay na ang biktima samtang ang mga kabanay niini nagdumili na nga ipadala sa ospital.
Sumala sa pamilya nga na-depress ang biktima sa iyang karelasyon nga babaye nga di pa sab dugay silang nagbulag.
Gikan niadto, masulob-on ang biktima, apan di sila katuo nga mahimo ang paghikog.
Walay nakita nga foul play ang kapulisan sa maong hitabo. (Jeepy P. Compio)