COTABATO CITY -- Sa katapusan human sa dul-an usa ka dekada, ang pagtaral sa kaso sa Ampatuan massacre gitapos na.
“The court has already deemed the case as submitted for decision, and barring unforeseen circumstances. We are hoping for a decision by the 3rd week of November,” matud ni Presidential Communications Operations Office Secretary ug Presidential Task Force on Media co-chair Martin Andanar.
Matud ni Andanar nga ang mamahimong desisyon sa kaso dugang panulundon ni Presidente Rodrigo Duterte nga ang usa sa labing mangilngig nga buhat batok sa mga peryodista sa kasaysayan sa kalibutan sa katapusan matapos na ilawom sa iyang administrasyon.
Naglaum ang opisyal nga ang hustisya sa katapusan moangkon na alang sa mga pamilya sa biktima.
“Sa makausa pa, dili kami makapugong apan mahingangha sa pagpahinungod sa mga kalalakin-an ug kababayen-an sa mga Law Enforcement Unit, mga prosecutors, ug labi na, ang Presidential Task Force on Media Security (PTFoMS), kansang kadasig alang sa ilang trabaho gipalapdan. pinaagi lamang sa ilang tinguha nga makitang matapos na kini.”
Samtang si Undersecretary Joel Egco niawhag nga ang tibuok PTFoMS magpabiling mabinantayon aron maseguro nga wala nay mahitabong kalangay sa kaso.
“We will exhaust all means to help guard the sanctity of the judicial process in these crucial times, so that justice may finally be served in these cases,” pasalig ni Egco.
Handumon sa tibuok nasud ang ika-10 anyos nga Ampatuan Massacre sa Nobyembre 23, 2019 ug gikahinaman ang mamahimong promulgasyon sa desisyon sa di pa moabot ang maong adlaw. (Edgar E. Fuerzas)